專欄文章
崑崙鮑片
2021年12月17日
一道好名貴的經典粵菜，崑崙鮑甫、從前一般叫崑崙鮑片，原料是用曬乾龍躉皮配合乾鮑魚。
當年龍躉好大條、有500斤以上，魚皮曬乾後比人還要高。用的乾鮑魚是「網鮑」、兩三頭起碼。每一隻鮑魚片四至六片。吃時每位一片鮑魚夾一片龍躉皮，掛一個好濃的芡。舊的大網鮑入口甜如年糕而不黏口，無牙的老人也可以大快朶頤。
點解龍躉皮叫做崑崙？可能因為去鱗之後的龍躉魚皮真係好似山峰咁樣，其次可能魚鱗同崑崙個崙字同音，粵菜嘅命名往往都係咁。
崑崙鮑片乃以前最名貴粵菜之一。當年淨係食鮑魚唔夠名貴，要加一塊陳年龍躉皮落去先至難得。現在連搵六頭網鮑都唔容易，兩三頭更加係非賣品。崑崙鮑片變咗崑崙鮑甫，一隻鮑魚斜切開兩三件。今次搵到一塊相當厚的龍躉皮。五六十年以前食龍躉皮起碼這個水準。現在已經不易找到大條龍躉，有也可以迅速回港新鮮售賣，不用花工夫曬成龍躉皮。
幾百斤的大龍躉，新鮮躉皮也不錯的，當然不及舊的亁躉皮味道雋永。這也是海味的迷人處。
